A duhet te blej apo te rri me qira ?

·         A duhet të blej apo të rri me qira?

Blerja e një prone mund të jetë vërtet një investim i madh. Kjo do të thotë që ndoshta për disa, marrja me qira e shtëpisë së tij mund të jetë një opsion më i përballueshëm. Por në situatën aktuale të tregut të financimit bankar, interesat gjithmonë e me kompetitive, e kanë bërë blerjen një proces jo dhe aq të paarritshëm. Aktualisht interesat e kredive bankare lekunden nga 2% - 4.5% ne vit, keshtu qe duke konsideruar nje mesatare prej 3-3,5%, blerja duket mjaftueshem me interes dhe e perballueshme, duke marrë parasysh që në fund të këtij procesi, prona mbetet e jotja.

E rëndësishme është të thuhet që, për sa kohë nuk ka taksa shtesë për shtëpinë që kemi në zotërim, edhe mbajtja e saj, pas blerjes, mbetet e përballueshme.

 

·         A duhet të flas me bankën para se të kërkoj për shtëpi?

 

Përgjigjia është PO! Duhet të masni forcat tuaja duke ditur sa ju financon banka. Sqaroni idetë duke ndarë dëshirën nga mundësia e duke kuptuar sa mund t’i lejoni vetes. Nuk ka arsye të shikoni për shtëpi 100.000 euro kur banka ju financon vetem 70.000.

Nga ana tjeter, duke kuptuar si funksionon mekanizmi i kredisë, do të dini cilat janë kostot e tjera që lidhen me të, duke filluar nga parapagimi (bankat financojnë vetëm 70-80% të shumës së blerjes, pjesën tjetër duhet ta keni vetë), siguracione, kosto ligjore etj.

 

A më duhet një Konsulent imobiliar për të gjetur shtëpinë time?

 

Është e vërtetë! Nganjëherë të paguash dikë për të bërë atë që ti mendon se e bën vetë më mirë, duket vërtet e tepërt, në një proces që kërkon shpenzime vërtet të mëdha. Përse të mos kursejmë? Ato para i përdorim për lavatriçen…!

E pra, edhe pse ideja e përgjithshme është që shpenzoni më kot për këtë shërbim, Konsulenti imobiliar mund t’ju kursejë shumë para. Ai njeh tregun, di sa është shitur prona ngjitur me atë që ti do të blesh, është i papërfshirë emocionalisht dhe prandaj negocion me gjakftohtësi dhe profesionalizëm.

 

·         Kush paguan komisionin e agjensisë?

Në tregun imobiliar shqiptar, shitësi paguan 2-3% të shumës së shitjes, ndërsa blerësi paguan 1% të shumës së shitjes.

 

·         Cilat janë çmimet e zonës?

Një blerës zgjedh pothuajse gjithmonë të blejë shtëpinë e radhës në zonën ku ai ka jetuar deri në atë moment, të cilën e njeh mirë e me të cilën është i lidhur emocionalisht. Të gjithë shkojmë drejt të njohurës, e panjohura është pak vështirë të pranohet. Për këtë arsye, një nga të paktat ide të qarta që ata kanë kur kërkojnë një shtëpi, është zona. Pyetja më e shpeshtë që bëjnë lidhet me çmimin e zonës, me shitjet që janë kryer në zonën e tyre të interesit. Kjo ju ndihmon të kuptoni cilat janë mundësitë tuaja dhe për këtë, më mirë se konsulenti imobiliar, nuk mund t’ju informojë askush!

 

·         Sa prona duhet të shoh përpara se të vendos?

Nuk ka një përgjigje të duhur për këtë pyetje. Nëse Blerësi është i qartë në idetë dhe mundësitë e tij dhe bashkëpunon me një Konsulent të zot imobiliar, ky i fundit është i aftë t’i ofrojë minimalisht 4-5 prona që përkojnë me dëshirën dhe pritshmërinë e blerësit dhe mendoj që ky është një numër i mirë për të krijuar një ide të qartë e për të bërë zgjedhjen e duhur. Të vizituarit e më shumë pronave vetëm ngatërron idetë dhe e bën më të vështirë vendimarrjen.

 

·         Si funksionon procesi i shitblerjes?

Një nga pyetjet më të shpeshta është çfarë ndodh pasi pranohet oferta e palët bien dakord për çmimin dhe kushtet e blerjes.

Palët i drejtohen zyrës noteriale së cilës i parashtrojnë kërkesat e tyre në lidhje më kushtet e kontratës së shitblerjes. Zakonisht Noterin e zgjedh Blerësi. Noteri ka për detyrë të kontrollojë origjinën e pronës, të bëjë rifreskimin e dokumentit të pronësisë për të parë nëse prona është e lirë nga barra apo detyrime, të hartojë kontratën e shitblerjes sipas kushteve për të cilat palët kanë rënë dakord.

Pas firmosjes së kontratës së shitblerjes, Blerësi depoziton shumën e blerjes në llogarinë e noterit, shumë e cila mbetet e bllokuar në atë llogari deri në ditën e daljes së certifikatës së re të pronësisë në emrin e tij.

Bëhet aplikimi ne hipotekë për kalimin e pronësisë së apartamentit në emër të blerësit dhe aplikimi për nxjerrjën e certifikatës së re të pronësisë. Këto dy veprime mund të bëhen nga vetë Blerësi, por edhe nga Noteri përkundrejt një tarife shtesë prej 5.000 lekë të reja.

Pas daljes së çertifikatës së re të pronësisë në emër të Blerësit, Noteri kalon shumën në llogarinë bankarë të shitësit dhe transaksioni quhet i mbyllur me sukses! Nuk ju ngelet veçse ta gëzoni shtëpinë e re!!!